dil ko shabab ek but-e-kafir ka bha gaya

dil ko shabāb ik but-e-kāfir kā bhā gayā

jis din ko Dar rahe the ham āḳhir vo aa gayā

ab dil se shauq-e-nāla-e-arsh-āshnā gayā

zauq-e-kashīdan-e-sitam-e-nāravā gayā

batlā.eñ kyā ki aaya vo kyā aur kyā gayā

aaya jo qahr ban ke to ban karbalā gayā

dam zabt-e-dard-e-ishq se merā na bach sakā

jo ġham maiñ khā rahā thā vahī mujh ko khā gayā

lutf-e-hayāt hai tapish-o-iztirāb meñ

pahlū meñ dard uTh ke mujhe ye batā gayā

har raḳhna-e-qafas hai dar-e-faiz-e-sarmadī

āzādiyāñ agar ga.iiñ apnī to kyā gayā

sarmāya-e-durustī-e-dil hai shikastagī

ye dil-shikan suḳhan vo sitamgar sunā gayā

afsurdagī sī chhā ga.ī huzzār-e-bazm par

us bazm meñ jo 'bedil'-e-dard-āshnā gayā

dil ko shabab ek but-e-kafir ka bha gaya

jis din ko Dar rahe the hum aaKHir wo aa gaya

ab dil se shauq-e-nala-e-arsh-ashna gaya

zauq-e-kashidan-e-sitam-e-narawa gaya

batlaen kya ki aaya wo kya aur kya gaya

aaya jo qahr ban ke to ban karbala gaya

dam zabt-e-dard-e-ishq se mera na bach saka

jo gham main kha raha tha wahi mujh ko kha gaya

lutf-e-hayat hai tapish-o-iztirab mein

pahlu mein dard uTh ke mujhe ye bata gaya

har raKHna-e-qafas hai dar-e-faiz-e-sarmadi

aazadiyan agar gain apni to kya gaya

sarmaya-e-durusti-e-dil hai shikastagi

ye dil-shikan suKHan wo sitamgar suna gaya

afsurdagi si chha gai huzzar-e-bazm par

us bazm mein jo 'bedil'-e-dard-ashna gaya