dil ko tera KHayal teri justuju rahe

dil ko tirā ḳhayāl tirī justujū rahe

maqsad mirī hayāt kā bas tū hī tū rahe

aa.e kabhī na dil meñ kisī ġhair kā ḳhayāl

hoñToñ pe sub.h-o-shām tirī guftugū rahe

merī nigāh-e-shauq tujhe DhūñDhtī rahī

vaise to ās-pās ka.ī māh-rū rahe

ik din zarūr ā.eñge vo mere ḳhvāb meñ

is intizār-e-yār meñ ham bā-vazū rahe

duniyā kī ranjishoñ kī shikāyat kareñ to kyā

ḳhud apne hī nasīb se ham dū-badū rahe

de kar ga.ī hai bād-e-sabā ye duā 'majīd'

sher-o-suḳhan kī bazm kī tū aabrū rahe

dil ko tera KHayal teri justuju rahe

maqsad meri hayat ka bas tu hi tu rahe

aae kabhi na dil mein kisi ghair ka KHayal

honTon pe subh-o-sham teri guftugu rahe

meri nigah-e-shauq tujhe DhunDhti rahi

waise to aas-pas kai mah-ru rahe

ek din zarur aaenge wo mere KHwab mein

is intizar-e-yar mein hum ba-wazu rahe

duniya ki ranjishon ki shikayat karen to kya

KHud apne hi nasib se hum du-badu rahe

de kar gai hai baad-e-saba ye dua 'majid'

sher-o-suKHan ki bazm ki tu aabru rahe