dil ko tere KHayal mein hal kar diya gaya

dil ko tire ḳhayāl meñ hal kar diyā gayā

be-e'tibār chiiz ko shal kar diyā gayā

ab tīrgī ko chāhiye gustāḳh dūsrā

apnī ridā sameT ke jal kar diyā gayā

be-laus pesh kī ga.iiñ munkir ko sohbateñ

ham ko 'ishā.iya bhī sañbhal kar diyā gayā

lāhūt tak rasā.ī kī khāte the jo qasam

shahr-e-tarab meñ un ko muzal kar diyā gayā

har ġham dil-e-nazār kā ḳhuuñ meñ lapeT kar

bazm-e-suḳhan-varāñ meñ ġhazal kar diyā gayā

allāh kyā balā hai ye daur-e-jadīdiyat

har āgahī ko aan meñ chhal kar diyā gayā

kaisā javāb chāhiye min-jānib-e-dilāñ

lubb-e-lubāb jab ki kuchal kar diyā gayā

dil ko tere KHayal mein hal kar diya gaya

be-e'tibar chiz ko shal kar diya gaya

ab tirgi ko chahiye gustaKH dusra

apni rida sameT ke jal kar diya gaya

be-laus pesh ki gain munkir ko sohbaten

hum ko 'ishaiya bhi sanbhal kar diya gaya

lahut tak rasai ki khate the jo qasam

shahr-e-tarab mein un ko muzal kar diya gaya

har gham dil-e-nazar ka KHun mein lapeT kar

bazm-e-suKHan-waran mein ghazal kar diya gaya

allah kya bala hai ye daur-e-jadidiyat

har aagahi ko aan mein chhal kar diya gaya

kaisa jawab chahiye min-jaanib-e-dilan

lubb-e-lubab jab ki kuchal kar diya gaya