dil lagane ki baat karte ho

dil lagāne kī baat karte ho

kis zamāne kī baat karte ho

sāqiyā kar chukā huuñ tark-e-subū

kyoñ pilāne kī baat karte ho

ḳhairiyat pūchhte ho kyoñ rasman

dil dukhāne kī baat karte ho

va.ada kar ke kabhī nahīñ aate

bhuul jaane kī baat karte ho

is tarah muskurā ke mat dekho

dil lubhāne kī baat karte ho

jis meñ likkhī hai dāstāñ merī

us fasāne kī baat karte ho

aao baiTho abhī to aa.e ho

kyoñ ye jaane kī baat karte ho

phir kahāñ jāoge batāo 'amīr'

ghar jalāne kī baat karte ho

dil lagane ki baat karte ho

kis zamane ki baat karte ho

saqiya kar chuka hun tark-e-subu

kyon pilane ki baat karte ho

KHairiyat puchhte ho kyon rasman

dil dukhane ki baat karte ho

wada kar ke kabhi nahin aate

bhul jaane ki baat karte ho

is tarah muskura ke mat dekho

dil lubhane ki baat karte ho

jis mein likkhi hai dastan meri

us fasane ki baat karte ho

aao baiTho abhi to aae ho

kyon ye jaane ki baat karte ho

phir kahan jaoge batao 'amir'

ghar jalane ki baat karte ho