dil mein KHwahish dabi dabi kya hai

dil meñ ḳhvāhish dabī dabī kyā hai

baat lab par rukī rukī kyā hai

terā shahkār aarzī kyoñ hai

maut kyā shai hai zindagī kyā hai

aap kā lutf-o-karam bhī ham par

aur vo bhī kabhī kabhī kyā hai

āzmānā ho aazmā liije

haath kangan ko aarsī kyā hai

ġham ke māroñ se chheḌ achchhī nahīñ

dil-jaloñ se ye dil-lagī kyā hai

kuchh ta.alluq zarūr hai varna

kuchh nahīñ hai to barhamī kyā hai

chaar din bhī sukūñ se jī na sake

ziist dobāra dā.imī kyā hai

apnā duniyā kā kā.enāt kā ġham

ik ajūba hai aadmī kyā hai

jām-o-sahbā agar na hoñ 'sālik'

phir yahāñ lutf-e-zindagī kyā hai

dil mein KHwahish dabi dabi kya hai

baat lab par ruki ruki kya hai

tera shahkar aarzi kyon hai

maut kya shai hai zindagi kya hai

aap ka lutf-o-karam bhi hum par

aur wo bhi kabhi kabhi kya hai

aazmana ho aazma lije

hath kangan ko aarsi kya hai

gham ke maron se chheD achchhi nahin

dil-jalon se ye dil-lagi kya hai

kuchh talluq zarur hai warna

kuchh nahin hai to barhami kya hai

chaar din bhi sukun se ji na sake

zist dobara daimi kya hai

apna duniya ka kaenat ka gham

ek ajuba hai aadmi kya hai

jam-o-sahba agar na hon 'salik'

phir yahan lutf-e-zindagi kya hai