dil mein rahna kabhi KHwabon ke nagar mein rahna
dil meñ rahnā kabhī ḳhvāboñ ke nagar meñ rahnā
tum jahāñ rahnā mohabbat ke safar meñ rahnā
ḳhair-maqdam ke liye ā.ūñgā maiñ bhī ik din
tum abhī silsila-e-shām-o-sahar meñ rahnā
vaqt samtoñ ke ta.ayyun ko badal saktā hai
tum mire saath mohabbat ke safar meñ rahnā
mo.ajiza ye bhī hai is daur ke fankāroñ kā
aag se khelnā aur mom ke ghar meñ rahnā
fikr-e-shā.ir ke darīchoñ se guzar kar dekho
kitnā dushvār hai logoñ kī nazar meñ rahnā
ġharq hone se bache kitne safīne 'gauhar'
kaam aayā mirī kashtī kā bhañvar meñ rahnā
dil mein rahna kabhi KHwabon ke nagar mein rahna
tum jahan rahna mohabbat ke safar mein rahna
KHair-maqdam ke liye aaunga main bhi ek din
tum abhi silsila-e-sham-o-sahar mein rahna
waqt samton ke tayyun ko badal sakta hai
tum mere sath mohabbat ke safar mein rahna
moajiza ye bhi hai is daur ke fankaron ka
aag se khelna aur mom ke ghar mein rahna
fikr-e-shair ke darichon se guzar kar dekho
kitna dushwar hai logon ki nazar mein rahna
gharq hone se bache kitne safine 'gauhar'
kaam aaya meri kashti ka bhanwar mein rahna
- Book : Idraaq (Pg. 114)
- Author : Gohar Usmani
- Publication : Gohar Usmani (1993)
- Edition : 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
