dil mein rahta tha mere jo kabhi dhaDkan ki tarah

dil meñ rahtā thā mire jo kabhī dhaḌkan kī tarah

ab mirī aañkh meñ rahtā hai vo sāvan kī tarah

kaun aaya hai bahāreñ liye merī jānib

merā ehsās mahakne lagā chandan kī tarah

kisī bachche kī tarah ab bhī machaltā hai dil

haal apnā hai javānī meñ bhī bachpan kī tarah

maiñ ne rakkhā na kabhī buġhz-o-kudūrat dil meñ

dil mirā saaf hai shaffāf hai darpan kī tarah

zehn meñ phailī hai afkār ke phūloñ kī mahak

hai mirā dil ye mahakte hue gulshan kī tarah

dil ke darvāze ko hargiz na muqaffal kiije

is ko vā rakhiye hamesha kisī āñgan kī tarah

apne bandoñ se use pyaar hai kitnā 'rāhat'

dil meñ rahtā hai mire apne hī maskan kī tarah

dil mein rahta tha mere jo kabhi dhaDkan ki tarah

ab meri aankh mein rahta hai wo sawan ki tarah

kaun aaya hai bahaaren liye meri jaanib

mera ehsas mahakne laga chandan ki tarah

kisi bachche ki tarah ab bhi machalta hai dil

haal apna hai jawani mein bhi bachpan ki tarah

main ne rakkha na kabhi bughz-o-kudurat dil mein

dil mera saf hai shaffaf hai darpan ki tarah

zehn mein phaili hai afkar ke phulon ki mahak

hai mera dil ye mahakte hue gulshan ki tarah

dil ke darwaze ko hargiz na muqaffal kije

is ko wa rakhiye hamesha kisi aangan ki tarah

apne bandon se use pyar hai kitna 'rahat'

dil mein rahta hai mere apne hi maskan ki tarah