dil mein surat koi basi hi nahin

dil meñ sūrat koī basī hī nahīñ

merī hālat kabhī ye thī hī nahīñ

zindagī dī phir us pe ḳhvāb diye

baat ik dukh se kyā banī hī nahīñ

yuuñ to har baat se hī huuñ raazī

maiñ ne apnī kabhī kahī hī nahīñ

ḳhuub tark-e-vafā kā aayā ḳhayāl

merī ḳhud par magar chalī hī nahīñ

bin tumhāre bhī muskurāte dikheñ

ham se rasm-e-jahāñ nibhī hī nahīñ

kyā kahā ḳhush ho ishq kar ke tum

aag ya.anī abhī lagī hī nahīñ

dil mein surat koi basi hi nahin

meri haalat kabhi ye thi hi nahin

zindagi di phir us pe KHwab diye

baat ek dukh se kya bani hi nahin

yun to har baat se hi hun raazi

main ne apni kabhi kahi hi nahin

KHub tark-e-wafa ka aaya KHayal

meri KHud par magar chali hi nahin

bin tumhaare bhi muskuraate dikhen

hum se rasm-e-jahan nibhi hi nahin

kya kaha KHush ho ishq kar ke tum

aag yani abhi lagi hi nahin