dil mein Thahra dard nigoDa kuza-gar

dil meñ Thahrā dard nigoḌā kūza-gar

kaise moḌ pe tū ne chhoḌā kūza-gar

maiñ bhī ḳhud se rūThī rūThī rahtī huuñ

jab se tū ne mukh hai moḌā kūza-gar

ab to bikhre bikhre haiñ ajzā mere

joḌā thā to kyūñ-kar toḌā kūza-gar

merī hastī meñ bhī terī hastī hai

merā mujh meñ kuchh bhī na chhoḌā kūza-gar

maiñ ne ḳhud meñ terī yaad sajā.ī hai

jab bhī tū ne tanhā chhoḌā kūza-gar

rag rag meñ ab mahshar barpā rahtā hai

dukh thā pahle bhī kab thoḌā kūza-gar

kis ne mujh se chehra merā chhīnā hai

kis ne merā ḳhuun nichoḌā kūza-gar

dil mein Thahra dard nigoDa kuza-gar

kaise moD pe tu ne chhoDa kuza-gar

main bhi KHud se ruThi ruThi rahti hun

jab se tu ne mukh hai moDa kuza-gar

ab to bikhre bikhre hain ajza mere

joDa tha to kyun-kar toDa kuza-gar

meri hasti mein bhi teri hasti hai

mera mujh mein kuchh bhi na chhoDa kuza-gar

main ne KHud mein teri yaad sajai hai

jab bhi tu ne tanha chhoDa kuza-gar

rag rag mein ab mahshar barpa rahta hai

dukh tha pahle bhi kab thoDa kuza-gar

kis ne mujh se chehra mera chhina hai

kis ne mera KHun nichoDa kuza-gar