dil mein unki aarzu hone lagi

dil meñ un kī aarzū hone lagī

aa.ine se guftugū hone lagī

ham ne keval phuul kā bosa liyā

jaane kyoñ vo surḳh-rū hone lagī

zaḳhm kuchh kuchh bhar chale yā yuuñ kaheñ

zindagī phir se shurū' hone lagī

ab to ham ko ashk piinā aa gayā

baat ye sab kū-ba-kū hone lagī

sirf apne aap meñ hī gum huā

aur merī justujū hone lagī

chāhtā huuñ maiñ use aur vo mujhe

ab ye charchā rū-ba-rū hone lagī

sirf un kī baat mahfil meñ chalī

un kī ḳhushbū chār-sū hone lagī

dil mein un ki aarzu hone lagi

aaine se guftugu hone lagi

hum ne kewal phul ka bosa liya

jaane kyon wo surKH-ru hone lagi

zaKHm kuchh kuchh bhar chale ya yun kahen

zindagi phir se shuru' hone lagi

ab to hum ko ashk pina aa gaya

baat ye sab ku-ba-ku hone lagi

sirf apne aap mein hi gum hua

aur meri justuju hone lagi

chahta hun main use aur wo mujhe

ab ye charcha ru-ba-ru hone lagi

sirf un ki baat mahfil mein chali

un ki KHushbu chaar-su hone lagi