dil nahin dil ka iztirab nahin

dil nahīñ dil kā iztirāb nahīñ

sāġhar-e-jam nahīñ sharāb nahīñ

daur ye daur-e-inqilāb nahīñ

barq meñ bhī to pech-o-tāb nahīñ

barq to hai magar sahāb nahīñ

dhuup hai aur āftāb nahīñ

shauq-e-nākām hī sahī lekin

husn bhī aaj kāmyāb nahīñ

din meñ tārīkī-e-shab-e-ġham hai

ye haqīqat hai koī ḳhvāb nahīñ

ai nasīm-e-sahar chaman meñ kyoñ

lāla-o-gul meñ āb-o-tāb nahīñ

aadmī aadmī kā dushman hai

ik tamāsha hai inqalāb nahīñ

is ko māhaul ne ḳharāb kiyā

aadmī fitratan ḳharāb nahīñ

bāġhbāñ shāḳh-e-gul se hai nārāz

barq ab mūrid-e-itāb nahīñ

sahn-e-gulshan meñ aaj abr-e-karam

ek ham haiñ ki faizyāb nahīñ

kuchh dinoñ se na jaane kyoñ dil meñ

ik ḳhalish sī hai iztirāb nahīñ

ab mire un ke darmiyāñ 'amjad'

koī parda nahīñ hijāb nahīñ

dil nahin dil ka iztirab nahin

saghar-e-jam nahin sharab nahin

daur ye daur-e-inqilab nahin

barq mein bhi to pech-o-tab nahin

barq to hai magar sahab nahin

dhup hai aur aaftab nahin

shauq-e-nakaam hi sahi lekin

husn bhi aaj kaamyab nahin

din mein tariki-e-shab-e-gham hai

ye haqiqat hai koi KHwab nahin

ai nasim-e-sahar chaman mein kyon

lala-o-gul mein aab-o-tab nahin

aadmi aadmi ka dushman hai

ek tamasha hai inqalab nahin

is ko mahaul ne KHarab kiya

aadmi fitratan KHarab nahin

baghban shaKH-e-gul se hai naraaz

barq ab murid-e-itab nahin

sahn-e-gulshan mein aaj abr-e-karam

ek hum hain ki faizyab nahin

kuchh dinon se na jaane kyon dil mein

ek KHalish si hai iztirab nahin

ab mere un ke darmiyan 'amjad'

koi parda nahin hijab nahin