dil ne dhire se koi lafz kaha sham ke baad

dil ne dhīre se koī lafz kahā shaam ke baad

ek dar band huā ek khulā shaam ke baad

terī yādoñ kā darīcha jo khulā shaam ke baad

tiir barsāne lagī sard havā shaam ke baad

dasht-e-ehsās meñ sannāTā ye kaisā phailā

kisī aahaT ne ta.āqub na kiyā shaam ke baad

din mashaqqat ke jahannum meñ guzārā maiñ ne

DhūñDne niklā huuñ ab taaza havā shaam ke baad

din ko sāmān-e-tamāshā thā zamāne ke liye

apnī tanhā.ī kā andāza huā shaam ke baad

ik faqat lamha-e-maujūd hai merā honā

ḳhud mirī zaat pe ye uqda khulā shaam ke baad

ek miTTī kā diyā us pe tahayyur kaisā

dekhne aa.ī jise bād-e-sabā shaam ke baad

'sabr' jab ism-e-mohammad kā ujālā māñgā

mere siine pe khulā ġhār-e-hirā shaam ke baad

dil ne dhire se koi lafz kaha sham ke baad

ek dar band hua ek khula sham ke baad

teri yaadon ka daricha jo khula sham ke baad

tir barsane lagi sard hawa sham ke baad

dasht-e-ehsas mein sannaTa ye kaisa phaila

kisi aahaT ne taaqub na kiya sham ke baad

din mashaqqat ke jahannum mein guzara main ne

DhunDne nikla hun ab taza hawa sham ke baad

din ko saman-e-tamasha tha zamane ke liye

apni tanhai ka andaza hua sham ke baad

ek faqat lamha-e-maujud hai mera hona

KHud meri zat pe ye uqda khula sham ke baad

ek miTTi ka diya us pe tahayyur kaisa

dekhne aai jise baad-e-saba sham ke baad

'sabr' jab ism-e-mohammad ka ujala manga

mere sine pe khula ghaar-e-hira sham ke baad