dil ne girya na kiya aankh ne wahshat nahin ki

dil ne girya na kiyā aañkh ne vahshat nahīñ kī

maiñ ne is 'ishq meñ be-kār kī zahmat nahīñ kī

shāh-zādī ne is andāz se rokā ik din

phir qabīle se kisī shaḳhs ne hijrat nahīñ kī

bādshāhā tire darbāriyoñ ko 'ilm nahīñ

marsiya likkhā hai maiñ ne tirī mid.hat nahīñ kī

jis ko taslīm kiyā dil ne usī ko maanā

aap se aadmī kī maiñ ne himāyat nahīñ kī

vaqt shāhid hai bhale nok-e-sināñ tak pahuñche

mere jaisoñ ne tire jaise kī bai'at nahīñ kī

vo bhī kuchh soch ke ḳhāmosh khaḌā thā 'qāsim'

aur kuchh kahne ko apnī bhī tabī'at nahīñ kī

dil ne girya na kiya aankh ne wahshat nahin ki

main ne is 'ishq mein be-kar ki zahmat nahin ki

shah-zadi ne is andaz se roka ek din

phir qabile se kisi shaKHs ne hijrat nahin ki

baadshaha tere darbariyon ko 'ilm nahin

marsiya likkha hai main ne teri midhat nahin ki

jis ko taslim kiya dil ne usi ko mana

aap se aadmi ki main ne himayat nahin ki

waqt shahid hai bhale nok-e-sinan tak pahunche

mere jaison ne tere jaise ki bai'at nahin ki

wo bhi kuchh soch ke KHamosh khaDa tha 'qasim'

aur kuchh kahne ko apni bhi tabi'at nahin ki