dil ne khinchi hai teri zulf ke sar hone tak

dil ne khīñchī hai tirī zulf ke sar hone tak

vo jo qatre pe guzartī hai guhar hone tak

pahlā ehsās-e-tarab hī alam-afzā niklā

dekheñ kyā haal ho ehsās-e-digar hone tak

lā mai-e-nāb ki shādābī-e-gul-hā-e-ḳhayāl

ruuTh jaa.e na bahāroñ kā guzar hone tak

sham' hī par nahīñ mauqūf mai-o-naġhma-o-gul

sard ho jaa.e hai har chiiz sahar hone tak

ham ko pahchān hī legī kabhī rahmat terī

'aib ko vaqt hai darkār hunar hone tak

baa'd is ke koī taqrīb nahīñ hai ġham kī

aaj tum paas raho mere sahar hone tak

tum ko nāhaq yūñhī taklīf-e-ḳhabar kyā denā

ham ko rahnā hī nahīñ tum ko ḳhabar hone tak

vaqt se pahle bhī kaT jaatī hai mohlat ġham kī

sham' har raat nahīñ jaltī sahar hone tak

kitnī mastī thī 'adam' ġhuncha-o-gul par taarī

gulsitāñ meñ mirī tardīd-e-nazar hone tak

dil ne khinchi hai teri zulf ke sar hone tak

wo jo qatre pe guzarti hai guhar hone tak

pahla ehsas-e-tarab hi alam-afza nikla

dekhen kya haal ho ehsas-e-digar hone tak

la mai-e-nab ki shadabi-e-gul-ha-e-KHayal

ruTh jae na bahaaron ka guzar hone tak

sham' hi par nahin mauquf mai-o-naghma-o-gul

sard ho jae hai har chiz sahar hone tak

hum ko pahchan hi legi kabhi rahmat teri

'aib ko waqt hai darkar hunar hone tak

ba'd is ke koi taqrib nahin hai gham ki

aaj tum pas raho mere sahar hone tak

tum ko nahaq yunhi taklif-e-KHabar kya dena

hum ko rahna hi nahin tum ko KHabar hone tak

waqt se pahle bhi kaT jati hai mohlat gham ki

sham' har raat nahin jalti sahar hone tak

kitni masti thi 'adam' ghuncha-o-gul par tari

gulsitan mein meri tardid-e-nazar hone tak