dil-o-dimagh ko taskin-e-iztirab to de

dil-o-dimāġh ko taskīn-e-iztirāb to de

mire savāloñ kā āḳhir koī javāb to de

pighal na jaa.e kahīñ aañch se tū qurbat kī

baḌhā ke fāsle kuchh rang-e-ijtināb to de

tasavvurāt meñ raushan ho chāñd sā chehra

shab-e-siyāh kī āñkhoñ meñ nūr-e-ḳhvāb to de

sajā banā huā chehra sharāratī āñkheñ

jagā rahī haiñ ye fitne inheñ hijāb to de

shumār kartā hai ġhairoñ ke hī gunāhoñ ko

kabhī tū apnī ḳhatāoñ kā bhī hisāb to de

hamesha ḳhaar nigāhoñ se dekhtā hai mujhe

kabhī zabān se khilte hue gulāb to de

har ik varaq pe raqam nafrateñ milīñ ham ko

kabhī zabān se khilte hue gulāb to de

shuā-e-ilm se raushan 'sharar' hai ye duniyā

zavāl jis ko na ho aisā āftāb to de

dil-o-dimagh ko taskin-e-iztirab to de

mere sawalon ka aaKHir koi jawab to de

pighal na jae kahin aanch se tu qurbat ki

baDha ke fasle kuchh rang-e-ijtinab to de

tasawwuraat mein raushan ho chand sa chehra

shab-e-siyah ki aankhon mein nur-e-KHwab to de

saja bana hua chehra shararati aankhen

jaga rahi hain ye fitne inhen hijab to de

shumar karta hai ghairon ke hi gunahon ko

kabhi tu apni KHataon ka bhi hisab to de

hamesha KHar nigahon se dekhta hai mujhe

kabhi zaban se khilte hue gulab to de

har ek waraq pe raqam nafraten milin hum ko

kabhi zaban se khilte hue gulab to de

shua-e-ilm se raushan 'sharar' hai ye duniya

zawal jis ko na ho aisa aaftab to de