dil-o-nazar ko na kuchh aur sogwar karen

dil-o-nazar ko na kuchh aur sogvār kareñ

tum apnī yādoñ se kah do na be-qarār kareñ

kabhī kisī kī taraf hai kabhī kisī kī taraf

nigāh-e-shauq tirā kaise e.atibār kareñ

jo log DhūñD rahe haiñ guhar vafāoñ ke

unheñ batāo ġharīboñ se pahle pyaar kareñ

jo shā.erī ko siyāsat banā.e baiThe haiñ

ḳhudā ke vāste kuchh aur kārobār kareñ

bahut latīf hai urdu ġhazal kā pairāhan

karaḳht lahje se us ko na taar taar kareñ

tamām ahl-e-adab se ye arz hai nīlam

vo ḳhādimān-e-adab meñ mirā shumār kareñ

dil-o-nazar ko na kuchh aur sogwar karen

tum apni yaadon se kah do na be-qarar karen

kabhi kisi ki taraf hai kabhi kisi ki taraf

nigah-e-shauq tera kaise eatibar karen

jo log DhunD rahe hain guhar wafaon ke

unhen batao gharibon se pahle pyar karen

jo shaeri ko siyasat banae baiThe hain

KHuda ke waste kuchh aur karobar karen

bahut latif hai urdu ghazal ka pairahan

karaKHt lahje se us ko na tar tar karen

tamam ahl-e-adab se ye arz hai nilam

wo KHadiman-e-adab mein mera shumar karen