dil-o-nigah ki hairat main rah gae hain hum

dil-o-nigāh kī hairat maiñ rah ga.e haiñ ham

ḳhumār-e-ḳhvāb kī lazzat meñ rah ga.e haiñ ham

churā ke le ga.ī duniyā-e-pur-fareb us ko

aur apnī saada tabī.at meñ rah ga.e haiñ ham

hameñ to khīñch rahā thā safar tirī jānib

bas is jahāñ kī rivāyat meñ rah ga.e haiñ ham

vo dekhtā hai ki jaise na ham ko dekhā ho

is aa.ine kī sharārat meñ rah ga.e haiñ ham

hameñ talāsh rahā thā visāl kā lamha

kisī ke hijr kī saa.at meñ rah ga.e haiñ ham

havā ke saath kahāñ tak gulāb jā sakte

bikhar ke rāh-e-mohabbat meñ rah ga.e haiñ ham

vo apne ḳhvāb ke hamrāh jā chukā hai naaz

akele apnī haqīqat meñ rah ga.e haiñ ham

dil-o-nigah ki hairat main rah gae hain hum

KHumar-e-KHwab ki lazzat mein rah gae hain hum

chura ke le gai duniya-e-pur-fareb us ko

aur apni sada tabiat mein rah gae hain hum

hamein to khinch raha tha safar teri jaanib

bas is jahan ki riwayat mein rah gae hain hum

wo dekhta hai ki jaise na hum ko dekha ho

is aaine ki shararat mein rah gae hain hum

hamein talash raha tha visal ka lamha

kisi ke hijr ki saat mein rah gae hain hum

hawa ke sath kahan tak gulab ja sakte

bikhar ke rah-e-mohabbat mein rah gae hain hum

wo apne KHwab ke hamrah ja chuka hai naz

akele apni haqiqat mein rah gae hain hum