dil par tere jalwon ka asar dekh rahe hain

dil par tire jalvoñ kā asar dekh rahe haiñ

yā silsila-e-shams-o-qamar dekh rahe haiñ

ye chāñd sā chehra ye mahaktī huī zulfeñ

ham shaam ke dāman meñ sahar dekh rahe haiñ

yaaro ise faizān-e-ġham-e-ishq hī jaano

palkoñ pe jo ham sail-e-guhar dekh rahe haiñ

shādāb bahāroñ kā chaman chhoḌ ke jaanā

dekhā nahīñ jaatā hai magar dekh rahe haiñ

guzrā hai koī shoḳh-hasīñ dil kī fazā se

ik chāñd sar-e-rāhguzar dekh rahe haiñ

jalvoñ kī fazā dījiye ā.īna-e-dil ko

is samt haiñ ham aap udhar dekh rahe haiñ

'shabbīr' ye ik sham.a jo raushan hai mizha par

ham un kī mohabbat kā samar dekh rahe haiñ

dil par tere jalwon ka asar dekh rahe hain

ya silsila-e-shams-o-qamar dekh rahe hain

ye chand sa chehra ye mahakti hui zulfen

hum sham ke daman mein sahar dekh rahe hain

yaro ise faizan-e-gham-e-ishq hi jaano

palkon pe jo hum sail-e-guhar dekh rahe hain

shadab bahaaron ka chaman chhoD ke jaana

dekha nahin jata hai magar dekh rahe hain

guzra hai koi shoKH-hasin dil ki faza se

ek chand sar-e-rahguzar dekh rahe hain

jalwon ki faza dijiye aaina-e-dil ko

is samt hain hum aap udhar dekh rahe hain

'shabbir' ye ek shama jo raushan hai mizha par

hum un ki mohabbat ka samar dekh rahe hain