dil pe gar choT na lagti to na ishrat thi na gham

dil pe gar choT na lagtī to na ishrat thī na ġham

saaz ke parde se bāhar na nikaltā sargam

ham ko baḳhshā hai zamāne ne jahāñ bhar kā alam

tāb-e-ḳhurshīd se chhalnī huā qabl-e-shabnam

ab ye hālat hai ki vo ḳhud hue mā.il-ba-karam

aaj yaad aa.e bahut ham ko zamāne ke sitam

ḳhāk-e-parvāna dam-e-sub.h uḌī jaatī hai

khul na jaa.e kahīñ mahfil ke charāġhoñ kā bharam

jaise uushā kī laraztī huī pahlī aahaT

yuuñ tabassum tire hoñToñ pe hai darham barham

ḳhāliq-e-jūd-o-saḳhā ye to baḌī baat na thī

terī duniyā meñ tabassum ko taraste rahe ham

dil pe gar choT na lagti to na ishrat thi na gham

saz ke parde se bahar na nikalta sargam

hum ko baKHsha hai zamane ne jahan bhar ka alam

tab-e-KHurshid se chhalni hua qabl-e-shabnam

ab ye haalat hai ki wo KHud hue mail-ba-karam

aaj yaad aae bahut hum ko zamane ke sitam

KHak-e-parwana dam-e-subh uDi jati hai

khul na jae kahin mahfil ke charaghon ka bharam

jaise usha ki larazti hui pahli aahaT

yun tabassum tere honTon pe hai darham barham

KHaliq-e-jud-o-saKHa ye to baDi baat na thi

teri duniya mein tabassum ko taraste rahe hum