dil-rubaon mein hai teri dilrubai bhi juda

dil-rubāoñ meñ hai terī dilrubā.ī bhī judā

vasl bhī terā judā terī judā.ī bhī judā

karb-zār-e-dahr ke sahme hue lamhāt meñ

mere aaqā hai tirī himmat-fazā.ī bhī judā

raah terī jannatī jalvoñ se hai ārāsta

rah-ravī terī judā hai rahnumā.ī bhī judā

munfarid hai faiz-baḳhshī meñ tirā dast-e-karam

aur salīqe meñ tire dar kī gadā.ī bhī judā

haiñ tire darbār ke ādāb sab se muḳhtalif

tere sang-e-āstāñ kī jab.ha-sā.ī bhī judā

hai ibādat par bharosā ik judā tarz-e-amal

arsh-e-a.azam tak vasīle kī rasā.ī bhī judā

dil-navāzī meñ janāb-e-mustafā sab se alag

jāñ-nisārī meñ hai un kā har fidā.ī bhī judā

mujh ko hai 'iqbāl' ishq-e-mustafā se tarbiyat

hai usī naate mirī mid.hat-sarā.ī bhī judā

dil-rubaon mein hai teri dilrubai bhi juda

wasl bhi tera juda teri judai bhi juda

karb-zar-e-dahr ke sahme hue lamhat mein

mere aaqa hai teri himmat-fazai bhi juda

rah teri jannati jalwon se hai aarasta

rah-rawi teri juda hai rahnumai bhi juda

munfarid hai faiz-baKHshi mein tera dast-e-karam

aur saliqe mein tere dar ki gadai bhi juda

hain tere darbar ke aadab sab se muKHtalif

tere sang-e-astan ki jabha-sai bhi juda

hai ibaadat par bharosa ek juda tarz-e-amal

arsh-e-azam tak wasile ki rasai bhi juda

dil-nawazi mein janab-e-mustafa sab se alag

jaan-nisari mein hai un ka har fidai bhi juda

mujh ko hai 'iqbaal' ishq-e-mustafa se tarbiyat

hai usi nate meri midhat-sarai bhi juda