dil se dil hi na mile jab to bane baat hi kya

dil se dil hī na mile jab to bane baat hī kyā

ik nayā rang na ubhre to mulāqāt hī kyā

zindagī zinda ho raḳhshanda-o-pā.inda bhī ho

chand sāñsoñ se milī jaan kī sauġhāt hī kyā

apne aslāf ke ehsān bhulā kar un ko

ba.ad-az-marg diye bhī to ḳhitābāt hī kyā

kam se kam dījiye ik baar to mauqa ham ko

phuul sahrā meñ na khil jaa.eñ to phir baat hī kyā

ḳhūn-e-dil de ke kiyā un ke chaman ko shādāb

phir bhī kahte haiñ hameñ aap kī auqāt hī kyā

hirs kī aag meñ dul.han ko jalā dete haiñ

aise jallādoñ kī auqāt hī kyā zaat hī kyā

uf ye barsāt ki bah jaa.eñ ġharīboñ ke makāñ

ḳhuun rulvā.e jo barsāt vo barsāt hī kyā

qalb par naqsh na ban kar jo ubhar aa.eñ 'habīb'

aise ash.ār hī kyā aise ḳhayālāt hī kyā

dil se dil hi na mile jab to bane baat hi kya

ek naya rang na ubhre to mulaqat hi kya

zindagi zinda ho raKHshanda-o-painda bhi ho

chand sanson se mili jaan ki saughat hi kya

apne aslaf ke ehsan bhula kar un ko

baad-az-marg diye bhi to KHitabaat hi kya

kam se kam dijiye ek bar to mauqa hum ko

phul sahra mein na khil jaen to phir baat hi kya

KHun-e-dil de ke kiya un ke chaman ko shadab

phir bhi kahte hain hamein aap ki auqat hi kya

hirs ki aag mein dulhan ko jala dete hain

aise jalladon ki auqat hi kya zat hi kya

uf ye barsat ki bah jaen gharibon ke makan

KHun rulwae jo barsat wo barsat hi kya

qalb par naqsh na ban kar jo ubhar aaen 'habib'

aise ashaar hi kya aise KHayalat hi kya