dil se dil jab nahin mile phir to

dil se dil jab nahīñ mile phir to

dekhne-bhar haiñ rābte phir to

munqata' kar to leñ ta'alluq ham

mas.ale hal nahīñ hue phir to

ḳhud ko jab dekh hī nahīñ sakte

haiñ 'abas saare aa.ine phir to

naqsh achchhe nahīñ baneñge dost

jab badal jaa.eñ zāviye phir to

kyoñ shikāyat karūñ ki tanhā huuñ

munfarid jab hoñ rāste phir to

aap kah bhī rahe haiñ kuchh bolo

aur jab sun nahīñ sake phir to

niiñd gar aa bhī jaa.e furqat meñ

ḳhvāb meñ aa.e ratjage phir to

kyā kahā kuchh na kar sakūñgā maiñ

shukriya aap kā are phir to

saare tohfe nahīñ hue vāpas

vaqt lauTā na jab sake phir to

jaisī hālat meñ ḳhud-kushī kar lī

vaisī hālat meñ vo jiye phir to

dil se dil jab nahin mile phir to

dekhne-bhar hain rabte phir to

munqata' kar to len ta'alluq hum

masale hal nahin hue phir to

KHud ko jab dekh hi nahin sakte

hain 'abas sare aaine phir to

naqsh achchhe nahin banenge dost

jab badal jaen zawiye phir to

kyon shikayat karun ki tanha hun

munfarid jab hon raste phir to

aap kah bhi rahe hain kuchh bolo

aur jab sun nahin sake phir to

nind gar aa bhi jae furqat mein

KHwab mein aae ratjage phir to

kya kaha kuchh na kar sakunga main

shukriya aap ka are phir to

sare tohfe nahin hue wapas

waqt lauTa na jab sake phir to

jaisi haalat mein KHud-kushi kar li

waisi haalat mein wo jiye phir to