dil se ek aag ki diwar ubharti jae

dil se ik aag kī dīvār ubhartī jaa.e

ziina ziina shab-e-tanhā.ī utartī jaa.e

tum se milne kā jo barsoñ meñ kabhī aa.e ḳhayāl

har taraf fāsloñ kī ret bikhartī jaa.e

vaqt kī chaal ko ham ro ke raheñ kamre meñ

aur idhar raat andhā dhuñd guzartī jaa.e

taptā sahrā hai har ik shahr aur ummīd-e-sukūñ

ek badlī hai jo uupar se guzartī jaa.e

maiñ to auqāt ke phailāo meñ baḌhtā jā.ūñ

aur jo ik shai mire andar hai vo martī jaa.e

jaane kyā bhuut chhupe baiThe haiñ is āñgan meñ

raat jaa.e to vahāñ kāñptī Dartī jaa.e

vo nazar phuul khilātī chale pahlū pahlū

ban ke kāñTā sā diloñ meñ bhī utartī jaa.e

dil se ek aag ki diwar ubharti jae

zina zina shab-e-tanhai utarti jae

tum se milne ka jo barson mein kabhi aae KHayal

har taraf faslon ki ret bikharti jae

waqt ki chaal ko hum ro ke rahen kamre mein

aur idhar raat andha dhund guzarti jae

tapta sahra hai har ek shahr aur ummid-e-sukun

ek badli hai jo upar se guzarti jae

main to auqat ke phailao mein baDhta jaun

aur jo ek shai mere andar hai wo marti jae

jaane kya bhut chhupe baiThe hain is aangan mein

raat jae to wahan kanpti Darti jae

wo nazar phul khilati chale pahlu pahlu

ban ke kanTa sa dilon mein bhi utarti jae