dil se ek pal bhi juda ho ye gawara hi nahin

dil se ik pal bhī judā ho ye gavārā hī nahīñ

ham ko ab dard se baḌh kar koī pyārā hī nahīñ

tere ġham ne kiyā ye haal ḳhushī hai is kī

ranj is kā hai ki ye haal hamārā hī nahīñ

ham jo marte haiñ mohabbat meñ to marne diije

is meñ marne ke 'alāva koī chārā hī nahīñ

aaj duniyā meñ baḌī baat hai iz.hār-e-vafā

kyā kareñ ham ko ye tauhīn gavārā hī nahīñ

ye to ik farz thā ai gesu-e-daurāñ apnā

ham ne ujrat ke liye tujh ko sañvārā hī nahīñ

aisā kuchh lutf milā 'ishq kī mazdūrī meñ

dard kā bojh kabhī sar se utārā hī nahīñ

ḳhuub āgāh taqāzā-e-junūñ se ham haiñ

kyā batā.eñ abhī mausam kā ishārā hī nahīñ

sharm hogī to ḳhud aa.egī palaT kar 'ājiz'

ham ne jaatī huī duniyā ko pukārā hī nahīñ

dil se ek pal bhi juda ho ye gawara hi nahin

hum ko ab dard se baDh kar koi pyara hi nahin

tere gham ne kiya ye haal KHushi hai is ki

ranj is ka hai ki ye haal hamara hi nahin

hum jo marte hain mohabbat mein to marne dije

is mein marne ke 'alawa koi chaara hi nahin

aaj duniya mein baDi baat hai izhaar-e-wafa

kya karen hum ko ye tauhin gawara hi nahin

ye to ek farz tha ai gesu-e-dauran apna

hum ne ujrat ke liye tujh ko sanwara hi nahin

aisa kuchh lutf mila 'ishq ki mazduri mein

dard ka bojh kabhi sar se utara hi nahin

KHub aagah taqaza-e-junun se hum hain

kya bataen abhi mausam ka ishaara hi nahin

sharm hogi to KHud aaegi palaT kar 'ajiz'

hum ne jati hui duniya ko pukara hi nahin