dil shadman ho KHuld ki bhi aarzu na ho

dil shādmāñ ho ḳhuld kī bhī aarzū na ho

gar tū mile ḳhudā kī mujhe justujū na ho

āñkheñ tujhe na paa.eñ to kuchh bhī na pā sakeñ

gar tū na ho to kuchh bhī mire rū-ba-rū na ho

chubhtī huī kahe hai zabāñ se har ek baat

tū ḳhuub hai jo talḳh tirī guftugū na ho

uThtī nahīñ nigāh bhī ai dil tire sabab

kis se mujhe shikast ho dushman jo tū na ho

mahbūb gar mile to mile vo nasīb se

lutf-o-karam na ho to sitam kī bhī ḳhū na ho

har ḳhūb-rū ho shoḳh-adā aur vafā-shi.ār

kis kaam kā hai phuul agar rañg-o-bū na ho

izzat bhī ek chiiz hai duniyā meñ ai 'falak'

us ghar na jā jahāñ ki tirī aabrū na ho

dil shadman ho KHuld ki bhi aarzu na ho

gar tu mile KHuda ki mujhe justuju na ho

aankhen tujhe na paen to kuchh bhi na pa saken

gar tu na ho to kuchh bhi mere ru-ba-ru na ho

chubhti hui kahe hai zaban se har ek baat

tu KHub hai jo talKH teri guftugu na ho

uThti nahin nigah bhi ai dil tere sabab

kis se mujhe shikast ho dushman jo tu na ho

mahbub gar mile to mile wo nasib se

lutf-o-karam na ho to sitam ki bhi KHu na ho

har KHub-ru ho shoKH-ada aur wafa-shiar

kis kaam ka hai phul agar rang-o-bu na ho

izzat bhi ek chiz hai duniya mein ai 'falak'

us ghar na ja jahan ki teri aabru na ho