dil shikwon se bhara hua hai kya likhkhun main

dil shikvoñ se bharā huā hai kyā likhkhūñ maiñ

mere paas ab yahī bachā hai kyā likhkhūñ maiñ

maiñ ne us din kis mushkil se phone kiyā thā

tum ne sun kar kaun kahā hai kyā likhkhūñ maiñ

maiñ kaise pahchān karā.ūñ pahle jaisī

merā bhī chehra badlā hai kyā likhkhūñ maiñ

ek ye Dar ki tum ye rishta toḌ na Daalo

ek ye ġham ki TuuT gayā hai kyā likhkhūñ maiñ

sochā thā vo likhūñgī jo sab likhte haiñ

phir jaane kyā kyā sochā hai kyā likhkhūñ maiñ

aañsū aañkh kināre aakar baiTh ga.e haiñ

in mehmānoñ kā ḳhadsha hai kyā likhkhūñ maiñ

maiñ ne is ko ḳhālī pyaar mohabbat samjhā

sab dhoka hai sab maayā hai kyā likhkhūñ maiñ

tum likhnā tum kaise ho aur sab kaise haiñ

ḳhat likhnā tum ko aatā hai kyā likhkhūñ maiñ

dil shikwon se bhara hua hai kya likhkhun main

mere pas ab yahi bacha hai kya likhkhun main

main ne us din kis mushkil se phone kiya tha

tum ne sun kar kaun kaha hai kya likhkhun main

main kaise pahchan karaun pahle jaisi

mera bhi chehra badla hai kya likhkhun main

ek ye Dar ki tum ye rishta toD na Dalo

ek ye gham ki TuT gaya hai kya likhkhun main

socha tha wo likhungi jo sab likhte hain

phir jaane kya kya socha hai kya likhkhun main

aansu aankh kinare aakar baiTh gae hain

in mehmanon ka KHadsha hai kya likhkhun main

main ne is ko KHali pyar mohabbat samjha

sab dhoka hai sab maya hai kya likhkhun main

tum likhna tum kaise ho aur sab kaise hain

KHat likhna tum ko aata hai kya likhkhun main