dil tamasha hai tamasha-gar nahin hai yar ji

dil tamāsha hai tamāshā-gar nahīñ hai yaar jī

so zabāñ bhī chup rahe behtar nahīñ hai yaar jī

ham jahāñ jis baat par majbūr haiñ āmīn hai

aap ko apne ḳhudā kā Dar nahīñ hai yaar jī

dastakoñ ke ḳhauf tak to baat aa.egī nahīñ

ham haiñ vo dīvār jis kā dar nahīñ hai yaar jī

ek markaz aap haiñ jis kā bane ham dā.era

apnā koī dūsrā mehvar nahīñ hai yaar jī

rāste be-samt haiñ so manziloñ kī fikr kar

kārvāñ kā koī bhī rahbar nahīñ hai yaar jī

muflisī meñ ḳhvāb hoñ to ḳhaak achchhī baat hai

dekh kar hai faisla sun kar nahīñ hai haar jī

ik zamāna do farishte laakh 'sāhib' saath hoñ

kam lagegī kul ḳhudā.ī gar nahīñ hai yaar jī

dil tamasha hai tamasha-gar nahin hai yar ji

so zaban bhi chup rahe behtar nahin hai yar ji

hum jahan jis baat par majbur hain aamin hai

aap ko apne KHuda ka Dar nahin hai yar ji

dastakon ke KHauf tak to baat aaegi nahin

hum hain wo diwar jis ka dar nahin hai yar ji

ek markaz aap hain jis ka bane hum daera

apna koi dusra mehwar nahin hai yar ji

raste be-samt hain so manzilon ki fikr kar

karwan ka koi bhi rahbar nahin hai yar ji

muflisi mein KHwab hon to KHak achchhi baat hai

dekh kar hai faisla sun kar nahin hai haar ji

ek zamana do farishte lakh 'sahib' sath hon

kam lagegi kul KHudai gar nahin hai yar ji