dil to mera barbaad hai sahab kya jine ko bole ho

dil to mirā barbād hai sāhab kyā jiine ko bole ho

jaan gañvā.ī hañs ke ham ne tum kaahe ko ro.e ho

bandhan haiñ kuchh rasmeñ haiñ kuchh roke haiñ kuchh khīñche haiñ

jab rishte bāñdhe haiñ ham ko kyoñ zanjīreñ khole ho

ham pe jo guzrī ham jaane haiñ koī kyā samjhā.egā

ham miT ke barbād hue jab tum kyā dil ko TaTole ho

samjheñ kyā samjhā.eñ kis ko kaun hai jo ab samjhegā

ḳhuun ke rishtoñ ne Thukrāyā apnā kis ko bole ho

ham par ye ilzām lagāyā kyoñ ye mohabbat karnī thī

dil kā lagānā jurm agar hai kyoñ dil ko dil bole ho

jal jal kar jab raakh hue ho tum jaanā kyā hastī hai

miT miT kar āzād hue tab gard bane ho Dhole ho

miTTī ke sab miTTī honā kyā pachhtānā kyā ronā

bhed bharam sab faash hue jab diin dharm kyā tole ho

tum se ham ne chhīn ke ḳhud ko ḳhud ko bhī Thukrāyā hai

ḳhud maiñ jab maiñ ḳhud hī nahīñ to tum kyoñ mere hole ho

duniyā ko apnā kar ham ne ḳhud ko phir be-mol kiyā

kaun ginā.e tum ko 'bāliġh' kis kis ke tum hole ho

dil to mera barbaad hai sahab kya jine ko bole ho

jaan ganwai hans ke hum ne tum kahe ko roe ho

bandhan hain kuchh rasmen hain kuchh roke hain kuchh khinche hain

jab rishte bandhe hain hum ko kyon zanjiren khole ho

hum pe jo guzri hum jaane hain koi kya samjhaega

hum miT ke barbaad hue jab tum kya dil ko TaTole ho

samjhen kya samjhaen kis ko kaun hai jo ab samjhega

KHun ke rishton ne Thukraya apna kis ko bole ho

hum par ye ilzam lagaya kyon ye mohabbat karni thi

dil ka lagana jurm agar hai kyon dil ko dil bole ho

jal jal kar jab rakh hue ho tum jaana kya hasti hai

miT miT kar aazad hue tab gard bane ho Dhole ho

miTTi ke sab miTTi hona kya pachhtana kya rona

bhed bharam sab fash hue jab din dharm kya tole ho

tum se hum ne chhin ke KHud ko KHud ko bhi Thukraya hai

KHud main jab main KHud hi nahin to tum kyon mere hole ho

duniya ko apna kar hum ne KHud ko phir be-mol kiya

kaun ginae tum ko 'baaligh' kis kis ke tum hole ho