dil to phulon se ba-tahrik-e-gham-e-dil bandha

dil to phūloñ se ba-tahrīk-e-ġham-e-dil bāñdhā

ham ne gulshan se magar ḳhud ko ba-mushkil bāñdhā

vaqt-o-hālāt ne māhaul ajab mil bāñdhā

qatl-gāhoñ ne samāñ sūrat-e-mahfil bāñdhā

bāñdhte kyā the ta.alluq ke ye rishte ham ko

jabr-e-fitrat hai ki be-tauq-o-salāsil bāñdhā

kaun pahuñchā hai sar-e-manzil-e-hastī ab tak

jo jahāñ rah gayā thak kar use manzil bāñdhā

tum se rokā na gayā haath kisī qātil kā

jab bhī bāñdhā hai faqat bāzū-e-bismil bāñdhā

āzmānā thā mere zauq-e-nazar ko shāyad

har jagah us ne nayā parda-e-hā.il bāñdhā

ham ne jab se tirī rāhoñ meñ qadam rakhā hai

kisī manzil kā tasavvur bhī ba-mushkil bāñdhā

ġhair agar sāzisheñ karte to koī baat bhī thī

morcha apnoñ ne apnoñ ke muqābil bāñdhā

qadam-e-qāfila-e-umr haiñ sāñseñ kyā haiñ

be-irāda bhī milā har koī mahmil bāñdhā

ḳhūn-e-maqtūl meñ kyā shān-e-ravādārī thī

chashm-e-insāf ne qātil ko na qātil bāñdhā

zindagī 'shauq' hamārī bhī ajab guzrī hai

dil uThāyā na zamāne se kabhī dil bāñdhā

dil to phulon se ba-tahrik-e-gham-e-dil bandha

hum ne gulshan se magar KHud ko ba-mushkil bandha

waqt-o-haalat ne mahaul ajab mil bandha

qatl-gahon ne saman surat-e-mahfil bandha

bandhte kya the talluq ke ye rishte hum ko

jabr-e-fitrat hai ki be-tauq-o-salasil bandha

kaun pahuncha hai sar-e-manzil-e-hasti ab tak

jo jahan rah gaya thak kar use manzil bandha

tum se roka na gaya hath kisi qatil ka

jab bhi bandha hai faqat bazu-e-bismil bandha

aazmana tha mere zauq-e-nazar ko shayad

har jagah us ne naya parda-e-hail bandha

hum ne jab se teri rahon mein qadam rakha hai

kisi manzil ka tasawwur bhi ba-mushkil bandha

ghair agar sazishen karte to koi baat bhi thi

morcha apnon ne apnon ke muqabil bandha

qadam-e-qafila-e-umr hain sansen kya hain

be-irada bhi mila har koi mahmil bandha

KHun-e-maqtul mein kya shan-e-rawadari thi

chashm-e-insaf ne qatil ko na qatil bandha

zindagi 'shauq' hamari bhi ajab guzri hai

dil uThaya na zamane se kabhi dil bandha