dil tujhe pa ke bhi tanha hota

dil tujhe pā ke bhī tanhā hotā

duur tak hijr kā saayā hotā

aur to apne liye kyā hotā

apnā dukh hī koī apnā hotā

aap aate ki na aate dil meñ

jaltā-bujhtā koī sho.ala hotā

aarzū phir na.ī karte ta.abīr

phir nayā koī tamāshā hotā

phir vahī ek ḳhalish sī hotī

phir kisī ne hameñ dekhā hotā

zaḳhm phir koī mahaktā dil meñ

sāmne phir koī chehra hotā

phir gale vahshateñ miltīñ ham se

phir vahī ham vahī sahrā hotā

the ḳhafā tum to hamārā dam-sāz

āfat-e-jāñ koī tum sā hotā

tujh ko nafrat hai to apnā dil bhī

rafta rafta tujhe bhūlā hotā

thak ke soyā hai jo ab raat ga.e

shaam hote use dekhā hotā

dil tujhe pa ke bhi tanha hota

dur tak hijr ka saya hota

aur to apne liye kya hota

apna dukh hi koi apna hota

aap aate ki na aate dil mein

jalta-bujhta koi shoala hota

aarzu phir nai karte tabir

phir naya koi tamasha hota

phir wahi ek KHalish si hoti

phir kisi ne hamein dekha hota

zaKHm phir koi mahakta dil mein

samne phir koi chehra hota

phir gale wahshaten miltin hum se

phir wahi hum wahi sahra hota

the KHafa tum to hamara dam-saz

aafat-e-jaan koi tum sa hota

tujh ko nafrat hai to apna dil bhi

rafta rafta tujhe bhula hota

thak ke soya hai jo ab raat gae

sham hote use dekha hota