dil yaad karke usko pareshan hai abhi

dil yaad karke us ko pareshān hai abhī

lekin vo mere haal se anjān hai abhī

ruḳhsat vo jaane kab kā mire ghar se ho gayā

maiñ dekhtā huuñ dil meñ vo mehmān hai abhī

maiñ chādar-e-sukūn bhalā kaise oḌh luuñ

jab hādsoñ kā shahr meñ imkān hai abhī

chhoḌeñge ham na rāh-e-vafā-o-ḳhulūs ko

dekho hamāre haath meñ qur.ān hai abhī

zulm-o-sitam vo had se sivā kar sakegā kyā

har ik ġharīb be-sar-o-sāmān hai abhī

ik ek qatra apne lahū kā bahā.ūñgā

tū aazmā le tan meñ mire jaan hai abhī

buniyād tujh se zulm-o-sitam kī paḌī magar

mehr-o-vafā se 'dāġh' tū anjān hai abhī

dil yaad karke us ko pareshan hai abhi

lekin wo mere haal se anjaan hai abhi

ruKHsat wo jaane kab ka mere ghar se ho gaya

main dekhta hun dil mein wo mehman hai abhi

main chadar-e-sukun bhala kaise oDh lun

jab hadson ka shahr mein imkan hai abhi

chhoDenge hum na rah-e-wafa-o-KHulus ko

dekho hamare hath mein quran hai abhi

zulm-o-sitam wo had se siwa kar sakega kya

har ek gharib be-sar-o-saman hai abhi

ek ek qatra apne lahu ka bahaunga

tu aazma le tan mein mere jaan hai abhi

buniyaad tujh se zulm-o-sitam ki paDi magar

mehr-o-wafa se 'dagh' tu anjaan hai abhi