dilon ke raaz sipurd-e-hawa nahin karte

diloñ ke raaz sipurd-e-havā nahīñ karte

ham ahl-e-dil haiñ tamāshā bapā nahīñ karte

kabhī guloñ kī vo ḳhvāhish kiyā nahīñ karte

jinheñ aziiz haiñ kāñTe gila nahīñ karte

hamāre naam se zinda hai sunnat-e-farhād

ham apne chāk-e-garebāñ siyā nahīñ karte

diloñ meñ aa.e kahāñ se yaqīn kī tāsīr

duā to karte haiñ dil se duā nahīñ karte

ye ishq-vishq kā chakkar faqat himāqat hai

zahīn log himāqat kiyā nahīñ karte

hamāre tiir ko tukkā kabhī nahīñ kahnā

hamāre tiir nishāne ḳhatā nahīñ karte

ye phuul un pe chaḌhāte ho kis liye logo

shahīd zinda haiñ un kā azā nahīñ karte

vo ḳhush-nasīb haiñ rab ne jinheñ navāzā hai

ḳhudā kā shukr magar vo adā nahīñ karte

diloñ ke daaġh se raushan hai ālam-e-hastī

diloñ ke daaġh kabhī bhī chhupā nahīñ karte

jahāñ meñ un ko milegī na manzil-e-maqsūd

jo rasm-o-rāh-e-mohabbat adā nahīñ karte

'suhaib' DhūñDiye shāyad ki raah nikle koī

faqīh-e-shahr to sab se milā nahīñ karte

dilon ke raaz sipurd-e-hawa nahin karte

hum ahl-e-dil hain tamasha bapa nahin karte

kabhi gulon ki wo KHwahish kiya nahin karte

jinhen aziz hain kanTe gila nahin karte

hamare nam se zinda hai sunnat-e-farhad

hum apne chaak-e-gareban siya nahin karte

dilon mein aae kahan se yaqin ki tasir

dua to karte hain dil se dua nahin karte

ye ishq-wishq ka chakkar faqat himaqat hai

zahin log himaqat kiya nahin karte

hamare tir ko tukka kabhi nahin kahna

hamare tir nishane KHata nahin karte

ye phul un pe chaDhate ho kis liye logo

shahid zinda hain un ka aza nahin karte

wo KHush-nasib hain rab ne jinhen nawaza hai

KHuda ka shukr magar wo ada nahin karte

dilon ke dagh se raushan hai aalam-e-hasti

dilon ke dagh kabhi bhi chhupa nahin karte

jahan mein un ko milegi na manzil-e-maqsud

jo rasm-o-rah-e-mohabbat ada nahin karte

'suhaib' DhunDiye shayad ki rah nikle koi

faqih-e-shahr to sab se mila nahin karte