dilon se KHauf nikala gaya tha bachpan mein

diloñ se ḳhauf nikālā gayā thā bachpan meñ

hameñ havā meñ uchhālā gayā thā bachpan meñ

maiñ is liye bhī samajhtā huuñ hijratoñ kā dukh

mujhe bhī ghar se nikālā gayā thā bachpan meñ

vo ab kisī se sañbhāle nahīñ sañbhaltā hai

jise ziyāda sañbhālā gayā thā bachpan meñ

ye sabr merī tabī'at meñ aise aayā hai

har ek baat pe Taalā gayā thā bachpan meñ

tumhāre baa'd mujhe titliyoñ se ḳhauf aayā

agarche shauq ye paalā gayā thā bachpan meñ

tamām 'umr mirī soch us meñ uljhī rahī

maiñ jis fareb meñ Daalā gayā thā bachpan meñ

usī se aaj mirā iḳhtilāf rahtā hai

maiñ jis kī tarz pe Dhālā gayā thā bachpan meñ

batā.ūñ kyā jo ta'alluq hai pattharoñ se mirā

unheñ bhī ghar meñ ubālā gayā thā bachpan meñ

dilon se KHauf nikala gaya tha bachpan mein

hamein hawa mein uchhaala gaya tha bachpan mein

main is liye bhi samajhta hun hijraton ka dukh

mujhe bhi ghar se nikala gaya tha bachpan mein

wo ab kisi se sanbhaale nahin sanbhalta hai

jise ziyaada sanbhaala gaya tha bachpan mein

ye sabr meri tabi'at mein aise aaya hai

har ek baat pe Tala gaya tha bachpan mein

tumhaare ba'd mujhe titliyon se KHauf aaya

agarche shauq ye pala gaya tha bachpan mein

tamam 'umr meri soch us mein uljhi rahi

main jis fareb mein Dala gaya tha bachpan mein

usi se aaj mera iKHtilaf rahta hai

main jis ki tarz pe Dhaala gaya tha bachpan mein

bataun kya jo ta'alluq hai pattharon se mera

unhen bhi ghar mein ubaala gaya tha bachpan mein