din aise yun to aae hi kab the jo ras the

din aise yuuñ to aa.e hī kab the jo raas the

lekin ye chand roz to behad udaas the

un ko bhī aaj mujh se haiñ lākhoñ shikāyateñ

kal tak jo ahl-e-bazm sarāpā sipās the

vo gul bhī zahr-ḳhand kī shabnam se aT ga.e

jo shāḳhsār-e-dard-e-mohabbat kī aas the

merī barahnagī pe hañse haiñ vo log bhī

mash.hūr shahr bhar meñ jo nañg-e-libās the

ik lafz bhī na merī safā.ī meñ kah sake

vo saare mehrbāñ jo mire ās-pās the

terā to sirf naam hī thā to hai kyuuñ malūl

baa.is mire junūñ kā to mere havās the

vo rañg bhī uḌe jo nazar meñ na the kabhī

vo ḳhvāb bhī luTe jo qarīn-e-qayās the

din aise yun to aae hi kab the jo ras the

lekin ye chand roz to behad udas the

un ko bhi aaj mujh se hain lakhon shikayaten

kal tak jo ahl-e-bazm sarapa sipas the

wo gul bhi zahr-KHand ki shabnam se aT gae

jo shaKHsar-e-dard-e-mohabbat ki aas the

meri barahnagi pe hanse hain wo log bhi

mashhur shahr bhar mein jo nang-e-libas the

ek lafz bhi na meri safai mein kah sake

wo sare mehrban jo mere aas-pas the

tera to sirf nam hi tha to hai kyun malul

bais mere junun ka to mere hawas the

wo rang bhi uDe jo nazar mein na the kabhi

wo KHwab bhi luTe jo qarin-e-qayas the