din nihayat saKHt the raaten bhi thin bhaari bahut

din nihāyat saḳht the rāteñ bhī thiiñ bhārī bahut

phir bhī maiñ ne kī hai jiine kī adākārī bahut

dasht kī tanhā.iyāñ bhī 'ishq kī sāthī nahīñ

husn kī shāhī ko mil jaate haiñ darbārī bahut

ḳhūb-sūrat kufr par īmān laanā hī paḌā

'umr bhar maiñ bhī rahā huuñ is kā inkārī bahut

un kī galiyoñ ke bhikārī yaad aate haiñ mujhe

tang jab kartī hai mujh ko merī nādārī bahut

ḳhair ke pahlū bhī raushan hoñ du'ā ye kījiye

'aam hotī jā rahī hai dil kī bīmārī bahut

saath ho jaa.eñ agar jazbāt kī sachchā.iyāñ

fan bhī de jaatā hai ġhazloñ ko tarahdārī bahut

shahr meñ ab ke suḳhan-fahmī kā mausam dekhnā

shā'iroñ ne kī hai 'ġhālib' kī taraf-dārī bahut

Dar rahā huuñ lutf manzil kā na kho jaa.e 'ra.īs'

baḌh ga.ī hai in dinoñ raste kī hamvārī bahut

din nihayat saKHt the raaten bhi thin bhaari bahut

phir bhi main ne ki hai jine ki adakari bahut

dasht ki tanhaiyan bhi 'ishq ki sathi nahin

husn ki shahi ko mil jate hain darbari bahut

KHub-surat kufr par iman lana hi paDa

'umr bhar main bhi raha hun is ka inkari bahut

un ki galiyon ke bhikari yaad aate hain mujhe

tang jab karti hai mujh ko meri nadari bahut

KHair ke pahlu bhi raushan hon du'a ye kijiye

'am hoti ja rahi hai dil ki bimari bahut

sath ho jaen agar jazbaat ki sachchaiyan

fan bhi de jata hai ghazlon ko tarahdari bahut

shahr mein ab ke suKHan-fahmi ka mausam dekhna

sha'iron ne ki hai 'ghaalib' ki taraf-dari bahut

Dar raha hun lutf manzil ka na kho jae 'rais'

baDh gai hai in dinon raste ki hamwari bahut