diye ka kaam ab aankhen dikhana rah gaya hai
diye kā kaam ab āñkheñ dikhānā rah gayā hai
ye sīdhā jal chukā ulTā jalānā rah gayā hai
hamīñ sāmān puurā kar nahīñ paa.e ki chalte
so rahte rahte is jangal se jaanā rah gayā hai
sar-e-koh-e-nidā ye pahlī pahlī ḳhāmushī hai
koī āvāz hai jis kā lagānā rah gayā hai
ye do baazū haiñ sau thoḌī haiñ kholūñ aur batā duuñ
mire atrāf meñ kis kis kā aanā rah gayā hai
kamāñ-dāroñ kā jashn us raat abhī bantā nahīñ thā
maiñ kahtā rah gayā merā nishāna rah gayā hai
saḌak par phuul ek aayā paḌā hai aur musāfir
ka.ī aise haiñ jin kā aanā jaanā rah gayā hai
diye ka kaam ab aankhen dikhana rah gaya hai
ye sidha jal chuka ulTa jalana rah gaya hai
hamin saman pura kar nahin pae ki chalte
so rahte rahte is jangal se jaana rah gaya hai
sar-e-koh-e-nida ye pahli pahli KHamushi hai
koi aawaz hai jis ka lagana rah gaya hai
ye do bazu hain sau thoDi hain kholun aur bata dun
mere atraf mein kis kis ka aana rah gaya hai
kaman-daron ka jashn us raat abhi banta nahin tha
main kahta rah gaya mera nishana rah gaya hai
saDak par phul ek aaya paDa hai aur musafir
kai aise hain jin ka aana jaana rah gaya hai
- Book : Shaam Ke Baad Kuch Nahin (Pg. 113)
- Author : Shaheen Abbas
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
