do ghaDi baiTh ke ashkon ko bhi bahne na diya

do ghaḌī baiTh ke ashkoñ ko bhī bahne na diyā

dil kī choToñ ne kabhī chain se rahne na diyā

rū-ba-rū un ke zabāñ-bandī kā aalam hī sahī

shauq-e-dīdār ne ik lafz bhī kahne na diyā

har nafas un ke tabassum ne masarrat baḳhshī

sāya-e-ġham se ruḳh-e-zīst ko gahne na diyā

jalte dekhe haiñ makānāt lahū bahte hue

phir bhī hālāt ne kahnā thā jo kahne na diyā

thā azal se hī 'hilāl' un meñ vafā kā ehsās

qurbat-e-ġhair kā sadma kabhī sahne na diyā

do ghaDi baiTh ke ashkon ko bhi bahne na diya

dil ki choTon ne kabhi chain se rahne na diya

ru-ba-ru un ke zaban-bandi ka aalam hi sahi

shauq-e-didar ne ek lafz bhi kahne na diya

har nafas un ke tabassum ne masarrat baKHshi

saya-e-gham se ruKH-e-zist ko gahne na diya

jalte dekhe hain makanat lahu bahte hue

phir bhi haalat ne kahna tha jo kahne na diya

tha azal se hi 'hilal' un mein wafa ka ehsas

qurbat-e-ghair ka sadma kabhi sahne na diya