dohraate hue ashk mere bahne lage the

dohrāte hue ashk mire bahne lage the

vo qisse jo ma.asūm charāġhoñ ne kahe the

muddat se merī aañkh ke dar chiir rahā hai

vo ḳhvāb jo ujlat meñ nahīñ dekh sake the

ham log havālātī nahīñ qaidī-e-dil the

so qaid ke aalam meñ tujhe soch rahe the

maiñ kahtā rahā raushnī-parvar haiñ bachā lo

jab log charāġhoñ ke gale kaaT rahe the

ye kyā ki palaT kar koī vāpas nahīñ aaya

duniyā tirī jānib to ka.ī log ga.e the

pūchhā na kisī shaḳhs ne bhī haal hamārā

nuqsān faqīroñ kā sabhī bhuul ga.e the

jab log vahāñ raqs ke māhaul meñ gum the

ham donoñ bichhaḌne kā sabab DhūñD rahe the

kal raat ajab tarz kī vahshat kā samāñ thā

tanhā.ī meñ darvāzoñ ke dar khol diye the

karnā thā mujhe paar kisī aañkh kā sāhil

aur zād-e-safar meñ bhī faqat kachche ghaḌe the

dohraate hue ashk mere bahne lage the

wo qisse jo masum charaghon ne kahe the

muddat se meri aankh ke dar chir raha hai

wo KHwab jo ujlat mein nahin dekh sake the

hum log hawalati nahin qaidi-e-dil the

so qaid ke aalam mein tujhe soch rahe the

main kahta raha raushni-parwar hain bacha lo

jab log charaghon ke gale kaT rahe the

ye kya ki palaT kar koi wapas nahin aaya

duniya teri jaanib to kai log gae the

puchha na kisi shaKHs ne bhi haal hamara

nuqsan faqiron ka sabhi bhul gae the

jab log wahan raqs ke mahaul mein gum the

hum donon bichhaDne ka sabab DhunD rahe the

kal raat ajab tarz ki wahshat ka saman tha

tanhai mein darwazon ke dar khol diye the

karna tha mujhe par kisi aankh ka sahil

aur zad-e-safar mein bhi faqat kachche ghaDe the