dost phir bewafa ho gaya

dost phir bevafā ho gayā

zaḳhm-e-dil phir harā ho gayā

ab to vo bā-vafā ho gayā

chhoḌiye jo huā ho gayā

un kī āñkheñ bhī pur-nam huiiñ

aaj kyā mājrā ho gayā

zaḳhm-e-dil ḳhūñ-fishāñ ho chale

dard-e-dil lā-davā ho gayā

jaise manzil se ab āshnā

har qadam raah kā ho gayā

dil meñ rahiye samajh kar yahī

ab ye ghar aap kā ho gayā

faiz tere tasavvur kā hai

dil mirā aa.ina ho gayā

chup jo 'ḳhushtar' maiñ rahtā huuñ ab

log kahte haiñ kyā ho gayā

dost phir bewafa ho gaya

zaKHm-e-dil phir hara ho gaya

ab to wo ba-wafa ho gaya

chhoDiye jo hua ho gaya

un ki aankhen bhi pur-nam huin

aaj kya majra ho gaya

zaKHm-e-dil KHun-fishan ho chale

dard-e-dil la-dawa ho gaya

jaise manzil se ab aashna

har qadam rah ka ho gaya

dil mein rahiye samajh kar yahi

ab ye ghar aap ka ho gaya

faiz tere tasawwur ka hai

dil mera aaina ho gaya

chup jo 'KHushtar' main rahta hun ab

log kahte hain kya ho gaya