dost se dushmani ye kya ai dost

dost se dushmanī ye kyā ai dost

mujh vafā-dost par jafā ai dost

tang hai aur arsa-e-ālam

terā kūcha hai dil-kushā ai dost

tar huā sun ke abr-e-dariyā-bār

mere ashkoñ kā mājrā ai dost

turk-e-mardum-shikār haiñ vallāh

terī āñkheñ haiñ kyā balā ai dost

tinke chuntā huuñ muñh huā hai zard

ġham se huuñ rashk-e-kahrubā ai dost

tap-e-soz-e-darūñ se martā huuñ

ishq hai dard-e-lā-davā ai dost

ham se nafrat hai dushmanoñ se rabt

hue begāne āshnā ai dost

turkī ho jā.egī tamām apnī

sar-e-tausan jo tū chaḌhā ai dost

afsar-o-taḳht kyā kare 'bāqī'

tere kūche kā hai gadā ai dost

dost se dushmani ye kya ai dost

mujh wafa-dost par jafa ai dost

tang hai aur arsa-e-alam

tera kucha hai dil-kusha ai dost

tar hua sun ke abr-e-dariya-bar

mere ashkon ka majra ai dost

turk-e-mardum-shikar hain wallah

teri aankhen hain kya bala ai dost

tinke chunta hun munh hua hai zard

gham se hun rashk-e-kahruba ai dost

tap-e-soz-e-darun se marta hun

ishq hai dard-e-la-dawa ai dost

hum se nafrat hai dushmanon se rabt

hue begane aashna ai dost

turki ho jaegi tamam apni

sar-e-tausan jo tu chaDha ai dost

afsar-o-taKHt kya kare 'baqi'

tere kuche ka hai gada ai dost