du’a-e-KHair ki phir kya kami hai

du’ā-e-ḳhair kī phir kyā kamī hai

du’ā-go jab husain ibn-e-‘alī hai

jise kahtī hai ye duniyā qanā'at

vo ham fāqa-kashoñ kī dastarī hai

hai ThanDī raakh kā chūlhā re'āyā

hukūmat kaaTh kī ik degchī hai

hai kuchh merī tabī'at bhī shagufta

vo laḌkī bhī zarā sī chulbulī hai

haiñ raqsāñ Tokrī ko dekh lahreñ

ye Thākur jī kī pahlī aartī hai

ka.ī netāoñ se chakkar hai us kā

sahāfat bad-chalan aurat hai jī hai

mirā pardes jaanā tai hai yaaro

ġharībī daur-e-nau kī kaika.ī hai

na in hoñToñ meñ ras hai pahle jaisā

na bākhar-ḳhāniyoñ meñ chāshnī hai

mirī āñkhoñ ke kaan uktā ga.e haiñ

tirī tasvīr kitnā boltī hai

du’a-e-KHair ki phir kya kami hai

du’a-go jab husain ibn-e-‘ali hai

jise kahti hai ye duniya qana'at

wo hum faqa-kashon ki dastari hai

hai ThanDi rakh ka chulha re'aya

hukumat kaTh ki ek degchi hai

hai kuchh meri tabi'at bhi shagufta

wo laDki bhi zara si chulbuli hai

hain raqsan Tokri ko dekh lahren

ye Thakur ji ki pahli aarti hai

kai netaon se chakkar hai us ka

sahafat bad-chalan aurat hai ji hai

mera pardes jaana tai hai yaro

gharibi daur-e-nau ki kaikai hai

na in honTon mein ras hai pahle jaisa

na bakhar-KHaniyon mein chashni hai

meri aankhon ke kan ukta gae hain

teri taswir kitna bolti hai