dua ko hathon mein le kar ghuma ke chhoD diya

du'ā ko hāthoñ meñ le kar ghumā ke chhoḌ diyā

ki jaise mujh ko ḳhudā ne banā ke chhoḌ diyā

akele rahte ho achchhā hai sach kahūñ us ne

jise gale se lagāyā lagā ke chhoḌ diyā

tumhārī yaad jahāñ raqs karne vaalī thī

ye dil vahīñ pe bichhāyā bichhā ke chhoḌ diyā

havā kā qarz chukāne ko ghar ke tinkoñ par

charāġh maiñ ne jalāyā jalā ke chhoḌ diyā

tire faqīr ne har raah se guzarte hue

zamīñ se jis ko uThāyā uThā ke chhoḌ diyā

mire nasīb pe jab dastaḳhat kiye ġham ne

ḳhushī ko dil se uḌāyā uḌā ke chhoḌ diyā

jahāñ rihā.ī kā manzar thā is kahānī meñ

kisī ne parda girāyā girā ke chhoḌ diyā

'adīm' koī bhī kāñdhā na thā sahāre ko

mujhe to sab ne rulāyā rulā ke chhoḌ diyā

du'a ko hathon mein le kar ghuma ke chhoD diya

ki jaise mujh ko KHuda ne bana ke chhoD diya

akele rahte ho achchha hai sach kahun us ne

jise gale se lagaya laga ke chhoD diya

tumhaari yaad jahan raqs karne wali thi

ye dil wahin pe bichhaya bichha ke chhoD diya

hawa ka qarz chukane ko ghar ke tinkon par

charagh main ne jalaya jala ke chhoD diya

tere faqir ne har rah se guzarte hue

zamin se jis ko uThaya uTha ke chhoD diya

mere nasib pe jab dastaKHat kiye gham ne

KHushi ko dil se uDaya uDa ke chhoD diya

jahan rihai ka manzar tha is kahani mein

kisi ne parda giraya gira ke chhoD diya

'adim' koi bhi kandha na tha sahaare ko

mujhe to sab ne rulaya rula ke chhoD diya