dua tumhein wo baDi lagegi jahan-bhar ki sabhi ata se

duā tumheñ vo baḌī lagegī jahān-bhar kī sabhī atā se

jab ik bhikārī jo bhiik le kar navāz degā tumheñ duā se

vo jis pitā kī tamām bāteñ burī lage haiñ jahān-bhar ko

magar ye samjho tumhārā jīvan harā-bharā hai usī pitā se

kabhī mashaqqat se yaar tum bhī ghaḌe meñ kankaḌ to bhar ke dekho

abhī nahīñ par kabhī to paanī bahegā uupar kisī ghaḌā se

na mil sake par mujhe shikāyat nahīñ hai koī ai ishq tum se

magar mirī jaañ yahāñ se jā kar laḌūñgā pahle maiñ us ḳhudā se

rahā nahīñ ab yahāñ pe kuchh bhī mire mutābiq to kyoñ rahūñ maiñ

to kyoñ mujhe ab farebī duniyā bachā rahī hai kisī davā se

mujhe bachāne kī chaah hai to use bulā kar yaqīñ dilāo

tire havāle tirā ye rogī ye Thiik hogā tirī sadā se

agarche pankhā ye chāhtā hai ki us pe koī to laash laTke

utaar do phir agar nahīñ hai zarā bhī matlab use havā se

dua tumhein wo baDi lagegi jahan-bhar ki sabhi ata se

jab ek bhikari jo bhik le kar nawaz dega tumhein dua se

wo jis pita ki tamam baaten buri lage hain jahan-bhar ko

magar ye samjho tumhaara jiwan hara-bhara hai usi pita se

kabhi mashaqqat se yar tum bhi ghaDe mein kankaD to bhar ke dekho

abhi nahin par kabhi to pani bahega upar kisi ghaDa se

na mil sake par mujhe shikayat nahin hai koi ai ishq tum se

magar meri jaan yahan se ja kar laDunga pahle main us KHuda se

raha nahin ab yahan pe kuchh bhi mere mutabiq to kyon rahun main

to kyon mujhe ab farebi duniya bacha rahi hai kisi dawa se

mujhe bachane ki chah hai to use bula kar yaqin dilao

tere hawale tera ye rogi ye Thik hoga teri sada se

agarche pankha ye chahta hai ki us pe koi to lash laTke

utar do phir agar nahin hai zara bhi matlab use hawa se