dukh ki diwar girane se rahi

dukh kī dīvār girāne se rahī

yā'nī maiñ ḳhud ko bachāne se rahī

chhoḌ jā.egī ye reza kar ke

zindagī saath nibhāne se rahī

dil ne sochā hai tirī vahshat ko

so mujhe niiñd to aane se rahī

dard hote hī chhalak jā.eñge

ashk āñkhoñ meñ chhupāne se rahī

ḳhud hī ahvāl samajh le merā

maiñ tujhe dil to dikhāne se rahī

duur ho jaa.eñ añdhere mujh se

aisī qindīl jalāne se rahī

ab yahāñ ahl-e-sitam rahte haiñ

ab maiñ zanjīr hilāne se rahī

log mahrūm-e-samā.at haiñ 'hirā'

hāl-e-ġham un ko sunāne se rahī

dukh ki diwar girane se rahi

ya'ni main KHud ko bachane se rahi

chhoD jaegi ye reza kar ke

zindagi sath nibhane se rahi

dil ne socha hai teri wahshat ko

so mujhe nind to aane se rahi

dard hote hi chhalak jaenge

ashk aankhon mein chhupane se rahi

KHud hi ahwal samajh le mera

main tujhe dil to dikhane se rahi

dur ho jaen andhere mujh se

aisi qindil jalane se rahi

ab yahan ahl-e-sitam rahte hain

ab main zanjir hilane se rahi

log mahrum-e-samaat hain 'hira'

haal-e-gham un ko sunane se rahi