dukh se ghairon ke pighalta kaun hai
dukh se ġhairoñ ke pighaltā kaun hai
ḳhud se bāhar ab nikaltā kaun hai
barf sī tāsīr sab kī ho ga.ī
zulm sah kar ab ubaltā kaun hai
ġhair ko hī sab badalne meñ rahe
apnī fitrat ko badaltā kaun hai
chhoḌ do us ko usī ke haal par
ishq meñ paḌ kar sambhaltā kaun hai
zindagī bhar jo na khaa.e Thokareñ
khol kar āñkheñ yuuñ chaltā kaun hai
duur mujh se ho gayā bachpan magar
mujh meñ bachche sā machaltā kaun hai
ḳhvāhishoñ par qaid 'kalkal' kyuuñ lage
umr ke sāñche meñ Dhaltā kaun hai
dukh se ghairon ke pighalta kaun hai
KHud se bahar ab nikalta kaun hai
barf si tasir sab ki ho gai
zulm sah kar ab ubalta kaun hai
ghair ko hi sab badalne mein rahe
apni fitrat ko badalta kaun hai
chhoD do us ko usi ke haal par
ishq mein paD kar sambhalta kaun hai
zindagi bhar jo na khae Thokaren
khol kar aankhen yun chalta kaun hai
dur mujh se ho gaya bachpan magar
mujh mein bachche sa machalta kaun hai
KHwahishon par qaid 'kalkal' kyun lage
umr ke sanche mein Dhalta kaun hai
- Book : Munderon Per Charagh (Pg. 41)
- Author : Rajender Kalkal
- Publication : Amrit Parkashan, Delhi (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
