duniya hai Khaarzar kahan aa gai hun main

duniyā hai ḳhārzār kahāñ aa ga.ī huuñ maiñ

har-sū hai ḳhalfishār kahāñ aa ga.ī huuñ maiñ

bazm-e-jahāñ meñ dukh hai aziyyat hai ġham bhī hai

ye dil hai sogvār kahāñ aa ga.ī huuñ maiñ

suntī huuñ ek roz qayāmat bhī aa.egī

kartī huuñ intizār kahāñ aa ga.ī huuñ maiñ

luTne kā dil meñ ḳhadsha hamesha lagā rahā

rahzan haiñ be-shumār kahāñ aa ga.ī huuñ maiñ

merī nazar meñ sab haiñ hasīñ se hasīn-tar

mujh ko hai sab se pyaar kahāñ aa ga.ī huuñ maiñ

dasht-o-jabal na peḌ na paude haiñ kuchh yahāñ

har-sū hai regzār kahāñ aa ga.ī huuñ maiñ

koī na āshnā hai na tal.at hai ham-navā

tanhā huuñ be-qarār kahāñ aa ga.ī huuñ maiñ

duniya hai KHarzar kahan aa gai hun main

har-su hai KHalfishaar kahan aa gai hun main

bazm-e-jahan mein dukh hai aziyyat hai gham bhi hai

ye dil hai sogwar kahan aa gai hun main

sunti hun ek roz qayamat bhi aaegi

karti hun intizar kahan aa gai hun main

luTne ka dil mein KHadsha hamesha laga raha

rahzan hain be-shumar kahan aa gai hun main

meri nazar mein sab hain hasin se hasin-tar

mujh ko hai sab se pyar kahan aa gai hun main

dasht-o-jabal na peD na paude hain kuchh yahan

har-su hai regzar kahan aa gai hun main

koi na aashna hai na talat hai ham-nawa

tanha hun be-qarar kahan aa gai hun main