duniya ka bojh kandhon pe tanha liye hue
duniyā kā bojh kāñdhoñ pe tanhā liye hue
kaise jiyūñ maiñ turfa-tamāsha liye hue
samtoñ ke iḳhtilāt ne afshāñ kiyā hai raaz
ai kaash ghar se chaltā maiñ naqsha liye hue
maiñ aa gayā huuñ apne sage bhā.iyoñ ke biich
siine meñ apne ḳhair kā jazba liye hue
kyūñkar na us ko manzil-e-maqsūd ho nasīb
nikle jo puḳhta 'azm-o-irāda liye hue
faa.ez vahī huā hai maqām-e-buland par
jis kī zabāñ ho shukr kā kalima liye hue
ḳhauf-e-qazā agarche hai taarī vujūd par
dil hai bhaTaktā ḳhvāhish-e-duniyā liye hue
duniya ka bojh kandhon pe tanha liye hue
kaise jiyun main turfa-tamasha liye hue
samton ke iKHtilat ne afshan kiya hai raaz
ai kash ghar se chalta main naqsha liye hue
main aa gaya hun apne sage bhaiyon ke bich
sine mein apne KHair ka jazba liye hue
kyunkar na us ko manzil-e-maqsud ho nasib
nikle jo puKHta 'azm-o-irada liye hue
faez wahi hua hai maqam-e-buland par
jis ki zaban ho shukr ka kalima liye hue
KHauf-e-qaza agarche hai tari wujud par
dil hai bhaTakta KHwahish-e-duniya liye hue
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
