duniya ka main ghulam abhi tak nahin hua

duniyā kā maiñ ġhulām abhī tak nahīñ huā

panchhī ye zer-e-dām abhī tak nahīñ huā

barsoñ se kah rahā huuñ bhulā de use ai dil

chhoTā sā ek kaam abhī tak nahīñ huā

rasta bhī ḳhatm ho gayā manzil bhī mil ga.ī

lekin safar tamām abhī tak nahīñ huā

dīvānoñ meñ shumār to hone lagā mirā

dīvāngī meñ naam abhī tak nahīñ huā

ham donoñ ek duuje ke aa to ga.e qarīb

par fāsla tamām abhī tak nahīñ huā

duniyā se kartā rahtā huuñ har vaqt guftugū

ḳhud se maiñ ham-kalām abhī tak nahīñ huā

ḳhargosh ab ke so.e zarūrī nahīñ 'kamāl'

kachhvā to tez-gām abhī tak nahīñ huā

duniya ka main ghulam abhi tak nahin hua

panchhi ye zer-e-dam abhi tak nahin hua

barson se kah raha hun bhula de use ai dil

chhoTa sa ek kaam abhi tak nahin hua

rasta bhi KHatm ho gaya manzil bhi mil gai

lekin safar tamam abhi tak nahin hua

diwanon mein shumar to hone laga mera

diwangi mein nam abhi tak nahin hua

hum donon ek duje ke aa to gae qarib

par fasla tamam abhi tak nahin hua

duniya se karta rahta hun har waqt guftugu

KHud se main ham-kalam abhi tak nahin hua

KHargosh ab ke soe zaruri nahin 'kamal'

kachhwa to tez-gam abhi tak nahin hua