duniya mein rang-o-nur ki koi kami na thi

duniyā meñ rang-o-nūr kī koī kamī na thī

bas ek shahr-e-dil thā jahāñ raushnī na thī

kyā kah ga.e the tum ye tumheñ hosh bhī na thā

chup rah ga.e the ham to koī baat hī na thī

bichhḌe the bhiiḌ meñ vo hamesha ke ham-safar

phir kuchh ḳhabar kisī kī kisī ko milī na thī

kis ne ye shahr-e-amn meñ neze sajā diye

pahle to yuuñ saroñ kī numā.ish lagī na thī

har daur ahl-e-daur ke chehroñ kā aa.ina

jab ham bure na the to ye duniyā burī na thī

bas aa gayā thā kuuch kā hangām-e-nā-gahāñ

mujh ko to sochne kī bhī mohlat milī na thī

pahle bhī yuuñ jale the 'sharar' apne āshiyāñ

sayyād ke makān pe bijlī girī na thī

duniya mein rang-o-nur ki koi kami na thi

bas ek shahr-e-dil tha jahan raushni na thi

kya kah gae the tum ye tumhein hosh bhi na tha

chup rah gae the hum to koi baat hi na thi

bichhDe the bhiD mein wo hamesha ke ham-safar

phir kuchh KHabar kisi ki kisi ko mili na thi

kis ne ye shahr-e-amn mein neze saja diye

pahle to yun saron ki numaish lagi na thi

har daur ahl-e-daur ke chehron ka aaina

jab hum bure na the to ye duniya buri na thi

bas aa gaya tha kuch ka hangam-e-na-gahan

mujh ko to sochne ki bhi mohlat mili na thi

pahle bhi yun jale the 'sharar' apne aashiyan

sayyaad ke makan pe bijli giri na thi