duniya ne hamari kya aashufta-sari dekhi

duniyā ne hamārī kyā āshufta-sarī dekhī

har sang se Takrāte kyā dar-badarī dekhī

kuchh josh-e-junūñ kam ho kuchh dard kā darmāñ ho

is naḳhl-e-tamannā kī kab shāḳh harī dekhī

kahte haiñ ki aaya hai ab daur masāvātī

kamzor kī duniyā ne kyā tāj-varī dekhī

har falsafa-e-kohna Thukrā diyā logoñ ne

jab ahl-e-tasarruf kī bedād-garī dekhī

ab aao ki mil baiTheñ kuchh taur na.e socheñ

farsūda ḳhayāloñ kī daryūza-garī dekhī

kyā zabt kā yaarā hai 'rizvāñ' ko ma.āz-allāh

kyā naala sunā koī āñkhoñ meñ namī dekhī

duniya ne hamari kya aashufta-sari dekhi

har sang se Takraate kya dar-badari dekhi

kuchh josh-e-junun kam ho kuchh dard ka darman ho

is naKHl-e-tamanna ki kab shaKH hari dekhi

kahte hain ki aaya hai ab daur masawati

kamzor ki duniya ne kya taj-wari dekhi

har falsafa-e-kohna Thukra diya logon ne

jab ahl-e-tasarruf ki bedad-gari dekhi

ab aao ki mil baiThen kuchh taur nae sochen

farsuda KHayalon ki daryuza-gari dekhi

kya zabt ka yara hai 'rizwan' ko maaz-allah

kya nala suna koi aankhon mein nami dekhi